RUTA NOCTURNA: LENDAS AO SOLPOR NOS MUÍÑOS DO TRIPES

 

 O vindeiro sábado 25 de setembro, a Asociación Muiñeiros do Río Tripes, organiza unha ruta nocturna pola senda dos muíños do río Tripes, camiñando entre as sombras e reflexos do solpor por corredoiras e recunchos naturais.

O son da auga na escuridade e os reflexos da luz nas fervenzas que saltan os leitos do río, a luz do candil dos muíños no medio da noite, son algunhas das cousas que pode gozar o camiñante en compañía dun guía que contará algunha lenda deses muíños e eses lugares naturais.

Para a realización da actividade é preciso inscribirse no seguinte formulario, pagar a cota de inscrición, levar unha lanterna e recoméndase levar calzado cómodo.

Esta actividade organízase cumprindo a normativa sanitaria. Atendendo aos protocolos e recomendacións Covid-19. Polo que establécese un número limitado de prazas, o uso da máscara, hixiene de mans e o distanciamento social.

O punto de encontro está establecido na Área recreativa de Circos – Pazos de Reis. 

 A saída será ás 21:00 horas, con regreso previsto 00:00 horas.

Distancia aproximada de 4 km.

Ao remate, no lugar da Ponte, haberá chocolate con rosca e cunca de agasallo para tódolos participantes.

Data límite de inscrición: venres 24 ás 16:00 h.

Cota 5 €

O pago formalizarase no punto de encontro dende as 20 h.

Máis información e consultas: muineirosdotripes@gmail.com  /  653 632 360