NOVA DATA PARA A RUTA NOCTURNA "LENDAS AO SOLPOR NOS MUÍÑOS DO TRIPES"
Trala decisión do aprazamento desta actividade, que estaba prevista para o 25 de setembro, tomamos a decisión de celebrala o vindeiro sábado, 2 de outubro.
As previsións meteorolóxicas e as condicións de seguridade e comodidade dos asistentes á ruta fixeronnos tomar esta decisión, en aras de acadar un mellor aproveitamento e desfrute desta actividade.
Grazas á boa acollida que tivo esta iniciativa o número de prazas dispoñibles foi cuberto en apenas 2 días, por tanto, mantemos o listado de inscritos para esta nova data. No caso de que alguén non poida asistir neste día, rogámoslle que nolo comunique para dar cabida a outros interesados.
Os demáis aspectos da actividade mantéñense tal e como foron anunciados:
- Cumprimento da normativa sanitaria. Atendendo aos protocolos e recomendacións Covid-19. Polo que establécese un número limitado de prazas, o uso da máscara, hixiene de mans e o distanciamento social.
- O punto de encontro está establecido na Área recreativa de Circos – Pazos de Reis.
- A saída será ás 21:00 horas, con regreso previsto 00:00 horas.
- Distancia aproximada de 4 km.
- Ao remate, no lugar da Ponte, haberá chocolate con rosca e cunca de agasallo para tódolos participantes.
- Cota 5 € que se fará efectiva no punto de encontro dende as 20 h.
Máis información e consultas: muineirosdotripes@gmail.com / 653 632 360
